"Ұлтының ұлы көсемі". А.Байтұрсынұлының 150 жылдығына арналған онкүндік іс-шаралар

2022 жылдың 5 қыркүйегінде Ахмет Байтұрсынұлының туғанына 150 жыл толады. Ұлы ұстаздың мерейтойы ЮНЕСКО көлемінде аталып өтілмек. Ағартушының өмір жолы мен шығармаларын өскелең ұрпаққа кеңінен таныстыру, дәріптеу мақсатында Есіл қаласының №3 жалпы білім беретін орта мектебінде онкүндік өткізілді.

Онкүндіктің ашылуы қазақ тілі мен әдебиеті және тарих пәндеріне арналған апталықпен тұспа-тұс келді. Соған орай, қазақ тілі мен әдебиеті және тарих пәндерінің мұғалімдері Тоқтархан Ж., Қожанова Қ.Қ., Панияз А. ұйымдастыруымен А.Байтұрсынұылының өмірі және еңбек жолына арналған сыныптан тыс іс-шара өткізілді. Шарада оқушылар ұлы ұстаз туралы бейнероликті тамашалап, оның өмірі, қызмет жолы, еңбектері туралы ақпаратпен танысты.

28-қаңтар күні мектеп кітапханасында «Асыл дарын, алтын тұлға» атты кітап көрмесі ашылды. Кітап көрмесінде Ахмет Байтұрсынұлының өмір жолы мен шығармалары туралы деректер қойылды. Көрмені ұйымдастырған кітапханашы Жакибаева А.Т.

1-ақпан күні «Дәуірдің жарық жұлдызы» атты сайыс өткізілді. Сайысқа 5-сынып оқушылары қатысты. Сайысты ұйымдастырған қазақ тілі мен әдебиеті пәнінің мұғалімі Бекжанова Қ.Ж.

31-қаңтар мен 2-ақпан аралығында 1-11 сыныптарда Ахмет Байтұрсынұлының оқу-ағарту ісін дамыту жолындағы еңбегін дәріптеу мақсатында «Қазақ әліпбиінің атасы» тақырыбында сынып сағаттары өткізілді.

3-ақпан күнгі іс-шаралар Ахмет Байтұрсынұлының аудармашылық қызметіне арналды. 1-4 сыныптар арасында «Мысалдар сөйлейді» тақырыбы бойынша балалар шығармашылығына арналған суреттер көрмесі өткізілді. Оқушылар аудармашының мысалдар желісі бойынша суреттер салды. Бұдан бөлек, оқушылар арасында Ахмет Байтұрсынұлының «Қырық мысал», «Маса» жинақтарына енгізілген мысалдарын жатқа айтудан челлендж ұйымдастырылды. Іс-шараларды ұйымдастырған Бекжанова Қ.Ж.